„პირველ რიგში, ვუსამძიმრებ გარდაცვლილთა ოჯახის წევრებსა და ნათესავებს. ჩვენი ინფორმაციით, აღნიშნული ოჯახი 2-3 დღის გადმოსული იყო ამ ბინაში, ქირით მცხოვრებლები იყვნენ. მოხდა CO-თი ინტოქსიკაცია. გარდაცვლილია ერთი ოჯახის 5 წევრი. აქედან – 3 არასრულწლოვანი. დანარჩენზე მიმდინარეობს გამოძიება“, – განაცხადა „ქრონიკასთან“ საუბრისას თბილისის საკრებულოში გლდანის მაჟორიტარმა დეპუტატმა.
კონსტანტინე ზარნაძე მოსახლეობას სიფრთხილისკენ მოუწოდებს.
„მოვუწოდებ ყველა ადამიანს, რომელიც ღია წვის გამათბობლით თბება, რომ მაქსიმალურად კონტროლის ქვეშ ჰქონდეთ ვითარება და მაქსიმალურად იონტაქტონ „თბილისი ენერჯის“ წარმომადგენლებთან და თანამშრომლებთან, რათა მომავალში მაქსიმალურად ვიყოთ დაწღვეულები“, – აცხადებს კონსტანტინე ზარნაძე.
მომხდართან დაკავშირებით, გამოძიება სისხლის სამართლის კოდექსის 240-ე პრიმა მუხლით დაიწყო, რაც ექსპლუატაციის წესების დარღვევის გამო ორი ან მეტი ადამიანის სიცოცხლის მოსპობას გულისხმობს.