გიორგი კვირიკაშვილმა მინისტრთა კაბინეტის განახლებული შემადგენლობა წარუდგინა.
მომავალ მინისტრთა კაბინეტში, ევროპულ და ევროატლანტიკურ მიმართულებაში სახელმწიფო მინისტრს დავით ბაქრაძეს, რომელიც აშშ-ში საქართველოს ელჩად წარადგინეს, ,,ქართული ოცნების” წარმომადგენელი ვიქტორ დოლიძე შეცვლის.
როგორც გიორგი კვირიკაშვილმა სიტყვით გამოსვლისას აღნიშნა, ვიქტორ დოლიძე საქართველოს ევროპული და ევროატლანტიკური მიმართულების გაძლიერებაში აქტიურად იყო ჩაბმული და მას “დასავლური სამყარო იცნობს, როგორც კარგ დიპლომატს”.
“ვიქტორ დოლიძე იყო კოალიცია “ქართული ოცნების” წევრი და პირველივე დღეებიდან აქტიურად იყო ჩაბმული ქვეყნის ევროპული და ევროატლანტიკური მიმართულების გაძლიერებაში. მას აქვს კარგი კონტაქტები და დასავლური სამყარო იცნობს, როგორც კარგ დიპლომატს”, – განაცხადა კვირიკაშვილმა.