წალენჯიხის მუნიციპალიტეტის მერი გია ხარჩილავა სოციალურ ქსელში განცხადებას ავრცელებს, სადაც წერია რომ ”ტელეკომპანია იმედთან”თანამშრომლობას წყვეტს.
როგორც ხარჩილავა ამბობს, არცერთი საჯარო თანამდებობის პირი წალენჯიხაში პოლიტიკური ნიშნით არ გათავისუფლებულა, რაშიც ”ტელეკომპანია “იმედმა” ცილი დასწამა.
”ტელეკომპანია “იმედის” ცილისწამება! აღნიშნულმა ტელეკომპანიამ, ჩემთან ინტერვიუს შემდეგ, მოახერხა ამ სახით წარმოჩენა, როგორც პოლიტიკური ნიშნით რეპრესიების ავტორის.
არცერთი საჯარო თანამდებობის პირი წალენჯიხაში პოლიტიკური ნიშნით (მეტიც, საერთოდ) არ გათავისუფლებულა. ეს იმ ფონზე, როცა იგივე წალენჯიხაში 2012 წლის ცვლილებების შემდეგ პოლიტიკური ველის სრული მოსუფთავება დაიწყო!
ჩვენ დემოკრატიის მაღალი სტანდარტებით ვხელმძღვანელობთ! საგულისხმოა ის, რომ “იმედის”ტექსტი უცნაურად და ზუსტად დაემთხვა ბ-ნ სოზარ სუბარის პრესკონფერენციის პარალელურ ცილისწამებას, რაც მაძლევს დასკვნის აუცილებლობას-ტელეკომპანია და ხელისუფლება მოქმედებენ უნისონში ერთადერთი ოპოზიციური თვითმმართველობის წინააღმდეგ! გამომდინარე ზემოთ აღნიშნულიდან, ჩემი, როგორც მერის, თანამშრომლობა აღნიშნულ ტელეკომპანიასთან, არ გაგრძელდება! ” – წერს ხარჩილავა.