ევროპაში ვიზიტით მყოფმა აშშ-ის ვიცე-პრეზიდენტმა, კამალა ჰარისმა განაცხადა, რომ რუსეთის აგრესიულ ქმედებებს ეკონომიკური სანქციების მძიმე შედეგები მოჰყვება.
„ჩვენ, რა თქმა უნდა, ღია ვართ და დიპლომატია გვსურს, რამდენადაც ეს დიალოგსა და დისკუსიებს ეხება, რომელიც რუსეთთან გვქონდა. თუმცა, ჩვენ ასევე მზად ვარ, თუ რუსეთი აგრესიულ ქმედებებს განახორციელებს, უზრუნველვყოთ სერიოზული შედეგები, ეკონომიკური სანქციების თვალსაზრისით“, – აღნიშნა აშშ-ის ვიცე-პრეზიდენტმა.
ევროპაში ვიზიტის ფარგლებში, აშშ-ის ვიცე-პრეზიდენტი მიუნხენის უსაფრთხოების კონფერენციაში სიტყვით გამოვა. კამალა ჰარისი დღეს ნატოს გენერალურ მდივანს, იენს სტოლტენბერგს შეხვდა.
„შეშფოთებულნი ვართ იმის გამო, რაც უკრაინაში ხდება. როგორც ნატოს წევრი, ჩვენ ძალიან მტკიცედ ვუჭერთ მხარს ტერიტორიული მთლიანობისა და სუვერენიტეტის პრინციპებს“, – აღნიშნა კამალა ჰარისმა.