“უფლებები საქართველოს” დირექტორი ლადო მკერვალიშვილი სოციალურ ქსელში პოსტს აქვეყნებს.
”ამ მძიმე დროს, ძალიან მნიშვნელოვანი და საჭირო ამბავია.
2 წლის წინ, როცა “უფლებები საქართველოს” დირექტორი გავხდი, ერთ-ერთი ჩემი სურვილი რეგიონებში წარმომადგენლობების გახსნა იყო, მაგრამ ამ სურვილს ვერ ვამხელდი მასშტაბურობის გამო. ახლა, ძალიან ბედნიერი და გახარებული ვარ, ისეთი განცდა მაქვს, რომ ჩემი მისია შესრულებულია და პენსიაზე გასვლა შემიძლია 🙂
დიდი მადლობა ყველას ნდობისთვის, დიდი შრომისა და ძალისხმევისათვის. ❤️❤️❤️
გვიგულეთ თქვენს გვერდით❤️❤️❤️”-წერს მკერვალიშვილი.
🔴 „უფლებები საქართველო“ სამ რეგიონში სამართლებრივი დახმარების ცენტრებს ხსნის
⭕️ გენდერული და ოჯახში ძალადობის მსხვერპლთა მხარდასაჭერად ახალი პროექტი იწყება
🎯 „უფლებები საქართველო“ 2022 წელს მნიშვნელოვანი სიახლით იწყებს. ევროკომისიის მხარდაჭერით „უფლებები საქართველო“ რაჭა-ლეჩხუმში, ზემო იმერეთსა და კახეთში სამართლებრივი დახმარების ცენტრებს გახსნის.
🎯 ცენტრები გაიხსნება პროექტის „გენდერულ და ოჯახში ძალადობაგადატანილთა მიმართ დახმარებაზე ხელმისაწვდომობის უზრუნველყოფა“ ფარგლებში, რომელსაც ASB საქართველო (ASB Georgia) „უფლებები საქართველოსთან“ და კიდევ 4 ორგანიზაციასთან – ღია სივრცე კავკასია (Caucasus Open Space COS – ღია სივრცე კავკასია); მედია ცენტრი კახეთი (მედია ცენტრი კახეთი MCK); ფონდი „აფხაზინტერკონტი“(NGO AIC ფონდი აფხაზინტერკონტი); ერთად რეალური ცვლილებებისთვის (ერთად რეალური ცვლილებებისათვის Together for Real Changes) თანამშრომლობით განახორციელებს.
🎯 პროექტი 2024 წლის ბოლომდე გაგრძელდება. პროექტის მთავარი მიზანი გენდერული და ოჯახში ძალადობის მსხვერპლების დაცვა, მხარდაჭერა და გაძლიერებაა