ტელეწამყვან თიკა ფაცაციას კოვიდი მესამედ დაუდასტურდა. დაავადების მიმდინარეობისა და საკუთარი ჯანმრთელობის მდგომარეობის შესახებ მან გადაცემა “სხვა შუადღეში” ილაპარაკა. როგორც თიკამ აღნიშნა, ვირუსი, მის შემთხვევაში, არც თუ რთულ ფორმებში მიმდინარეობს.
“რამდენჯერ შეიძლება კოვიდი მქონდეს, მითხარით, რამდენჯერ?! როგორც მწერენ ჩემი “ფოლოვერები”, იშვიათობა არ ვარ, ბევრს ჰქონია სამჯერ გადატანილი. ნამდვილად შემიძლია ვთქვა, რომ გრიპის მიმდინარეობას ჰგავს. მაგრამ რომ ვკითხულობ ჩემს მეგობრებში, ასახელებენ გონების გაფანტვას, ზოგად სისუსტეს, სიტყვების დავიწყებას და ა.შ.. ასე რომ, ძალიან მარტივად არ მიმდინარეობს ზოგადად. როგორც კი ყელი ამტკივდა, მაშინვე მივიღე ზომები: ვიზოლირდი, გავიკეთე ტესტი და მალევე ამომივიდა პასუხი. ლაბორატორიაში მითხრეს, ყელი არ გაქვს წითელი, “პისიარი” ვერ იჭერს “ომიკრონსო”. თუმცა მაშინვე ამომივიდა და როგორც ყველაფერში, აქაც პოზიტიური გამოვდექი. ყელის ტკივილი მაქვს, ხმა შემეცვალა, თავი მტკივა ეპიზოდურად, ცემინება და ცხვირში გაჭედვა. ცალ მხარეს მტკიოდა მთელი ღამე ყელი და მაშინ მივხვდი, რომ კოვიდი მექნებოდა. ცუდია, რომ კარგი ამინდია ძალიან და ოთახიდან მიწევს ამის ცქერა, თუმცა კარგი ის არის, რომ მალე გასდის “ომიკრონს” იზოლაციის ვადა.” – აღნიშნა თიკა ფაცაციამ.