თბილისის მერმა, კახა კალაძემ სოციალურ ქსელში უკრაინის მხარდამჭერი პოსტი გამოაქვეყნა.
“უკრაინის ტკივილი საქართველოს ტკივილია. სიმტკიცესა და გამარჯვებას ვუსურვებ ჩვენს უკრაინელ მეგობრებს”. – წერს საკუთარ ტვიტერის გვერდზე კალაძე.
25 თებერვალს საქართველოს პრემიერმინისტრმა, ირაკლი ღარიბაშვილმა კი თქვა, რომ საქართველო რუსეთისთვის სანქციების დაწესებას არ აპირებს. ამის მიზეზად მან ეროვნული ინტერესების გათვალისწინება დაასახელა. აგრეთვე, ღარიბაშვილმა ისიც განაცხადა, რომ უკრაინაში ჩასვლას არ აპირებს. პრემიერის თქმით, საქართველო შესაძლებლობების ფარგლებში, უკრაინის მხარდასაჭერად ისედაც ყველაფერს აკეთებს. ღარიბაშვილის აზრით, ომით ყველაზე მეტად თავად უკრაინა და უკრაინელი ხალხი დაზარალდება.
კომენტარები