“ვთქვათ, ვიღაცამ დაარეგისტრირა კომპანია, საქართველოში აწარმოებენ რუსულ პროდუქციას და დაწესებულ სანქციებს როგორ უნდა აუარონ გვერდი?”

ვთქვათ, ვიღაცამ დაარეგისტრირა რუსული კომპანია. საქართველოში აწარმოებენ რუსულ პროდუქციას და დაწესებულ სანქციებს როგორ უნდა აუარონ გვერდი?, – ამის შესახებ პარტია „ქართული ოცნების“ აღმასრულებელმა მდივანმა, მამუკა მდინარაძემ განაცხადა.

კითხვაზე რამდენად შეესაბამება სინამდვილეს გავრცელებული ინფორმაცია, რომ რუსი ბიზნესმენები კომპანიებს საქართველოში არეგისტრირებენ და ამ მიზნით უკვე 200-მდე კომპანიაა დარეგისტრირებული, მდინარაძემ ამ განცხადებას არარეალური და აბსურდული უწოდა.

მდინარაძე დაინტერესდა, დარეგისტრირების შემთხვევაში მათ შემდეგ სანქციებს როგორ უნდა აუარონ გვერდი.

მისი თქმით, ფარული მოლაპარაკებების გამართვა იმ ქვეყანასთან, რომელსაც ტერიტორიების 20% აქვს ოკუპირებული, საუბარი ზედმეტია. მდინარაძემ აღნიშნა, რომ, ასეთი სახით კითხვის დასმა მისთვის შეურაცხმყოფელია.

„მსგავსი არაფერი ხდება და ალბათ, ყველაფერს პასუხს რიტორიკული კითხვა უფრო კარგად გასცემს. ვთქვათ, ვიღაცამ დაარეგისტრირა კომპანია. საქართველოში აწარმოებენ რუსულ პროდუქციას და სანქციებს როგორ უნდა აუარონ გვერდი? გაიტანენ შემდეგ გერმანიასა და საფრანგეთში და იტყვიან, არა, ეს რუსული არ არისო? წარწერებს გააკეთებენ, რომ საქართველოშია წარმოებული? ამ დეტალებში შევდივართ? ასეთი არარეალური და აბსურდამდე მისული არგუმენტებით ხდება დღეს გარედან თუ შიგნიდან კონკრეტული პროვოკაციული მოქმედებები და განცხადებები. მე ამ განცხადებების შესახებ არაფერი ვიცი, მაგრამ ეს არის ერთ-ერთი აბსურდი მათ შორის, რაც ჩვენ ამ დღეების განმავლობაში მოვისმინეთ“, – განაცხადა მდინარაძემ.