რატომ ამოიჩემა ვანო ჯავახიშვილმა ნოდარ ხადური?

ნოდარ ხადურის შეცვლას, „ქართული დასის“ ლიდერი ჯონდი ბაღათურია „მარშალპრესის“ პრეს-კლუბში გამართულ პრესკონფერენციაზე ეხმაურება.
„ჩემთვის ცოტა გაუგებარი იყო ხადურის შეცვლა. ჩვენ თუ ასე ავყვებით „რუსთავი 2“-ის და რაღაც მარგინალური ჯგუფების ამოჩემებებს- არასწორია. ირმა ნადირაშვილი რომ რაღაცას ამბობს, ეს იმას არ ნიშნავს, რომ ყველამ დავიჯეროთ. ხადური რატომღაც ამოიჩემა „ვანოს show“-მ, ერთადერთი რაზეც ისინი ამახვილებდნენ ყურადღებას ხადურის გარეგნობა იყო – მაპატიეთ და არ მიწყენს, ვიცი – რომ სხვაზე უფრო „პუტკუნად“ გამოიუყურება. ხომ არ შეიძლება ადამიანის სეგრეგაცია, მისი გარეგნობის მიხედვით მოხდეს?! – ვის მეტი კილოგრამები აქვს და ვის ნაკლები… თუ შევხედავთ გამონათქვამებს, უკიდურესად უნამუსო „ნაციონალსაც“ და „რუსთავი 2“-საც არ უთქვამს, რომ ხადური კორუმპირებული, ან არაკვალიფიციურია. აბა რა გინდათ? მე მინისტრების შეცვლას კი არ ვაპროტესტებ, უბრალოდ დაუსაბუთებელია ეს ყველაფერი. თუ ჩვენ იმ მიმართულებით მივდივართ რომ ხდება მთავრობის განახლება – ეს სხვა საკითხია, მაშინ ასე უნდა იყოს და არა ერთი მინისტრის გამოცვლა, მხოლოდ იმიტომ, რომ „პუტკუნა“ ლოყები აქვს“, – აღნიშნა ჯონდი ბაღათურიამ.