ჩემი აზრით, ეს არის ძალიან არანორმალური საქციელი და ეს ადამიანები უნდა დაისაჯონ. დაისჯებიან მკაცრად და ეს ყოველთვის ასე იქნება, – ასე გამოეხმაურა ვახტანგ გომელაური თბილისში ბოლო პერიოდში გამართულ აქციებზე სამოქალაქო აქტივისტების მიერ პოლიციელთა შეურაცხყოფის ფაქტებს. შინაგან საქმეთა მინისტრმა პოლიციელებს მადლობა გადაუხადა.
“მე მინდა მადლობა გადავუხადო ყველა იმ პოლიციელს, რომლებიც დგანან და ვაჟკაცურად ითმენენ, სამი დღე, ოთხი დღე, ეს ადამიანები გარეთ არიან, რომ ჩვენი და ჩვენი ოჯახების უსაფრთხოება დაიცვან.
დგანან იქ და ტუალეტის ქაღალდებს, ფქვილს და კუტჩუპებს ასხამენ თავზე, ეს არის ყოვლად მიუღებელი, არც ვიცი, რა დავარქვა ამას. ჩემი აზრით, ეს არის ძალიან არანორმალური საქციელი და ეს ადამიანები უნდა დაისაჯონ. დაისჯებიან მკაცრად და ეს ყოველთვის ასე იქნება. ამას არ ვაპატიებთ არასდროს“, – განაცხადა ვახტანგ გომელაურმა.
შინაგან საქმეთა მინისტრმა პარლამენტში ნდობის ჯგუფის წევრებთან შეხვედრის შემდეგ ჟურნალისტების კითხვებს უპასუხა.