საქართველოს პრეზიდენტი პარლამენტის წინაშე მოხსენებით ხვალ, 14 მარტს წარდგება. სალომე ზურაბიშვილი საკანონმდებლო ორგანოს ტრიბუნიდან დეპუტატებსა და ქვეყნის მოსახლეობას მიმართავს, რის შემდეგაც ტრიბუნას ფრაქციების თავმჯდომარეები დაიკავებენ. სხდომა 12:00 საათზე დაიწყება.
გამოსვლების დასრულების შემდეგ, პრეზიდენტი უფლებამოსილია დასკვნითი სიტყვით გამოვიდეს. ამის შემდეგ პლენარული სხდომა დაიხურება. პრეზიდენტის გამოსვლის დღეს პლენარულ სხდომაზე სხვა საკითხების განხილვა დაუშვებელია.
კომენტარები