“პრეზიდენტის გამოსვლის პასაჟები არაადეკვატური იყო იმ გამოწვევებთან შედარებით, რაც საქართველოს წინაშე დგას”

პრეზიდენტის გამოსვლის პასაჟები და მიმართულებები არაადეკვატური იყო იმ გამოწვევებთან შედარებით, რაც საქართველოს წინაშე დგას, – ამის შესახებ პარლამენტის პირველმა ვიცე-სპიკერმა, გიორგი ვოლსკიმ განაცხადა.

„ვერსად ვერ წაიღებ იმ რეალობას, რაც შეიქმნა – რეალობა საკმაოდ მძიმეა, სოციალური, ეკონომიკური დარტყმა, რომლის შერბილებას ვცდილობთ და ის საფრთხეები, რომელიც საოკუპაციო ძალის მხრიდან მომდინარეობს. ამას არ შველის ის გაერთიანება, რაზეც სალომე ზურაბიშვილი მიუთითებს – ვერ გაერთიანდება 2 ძალა, რომელიც განსხვავდება ერთმანეთისგან მტკიცედ ჩამოყალიბებული პოზიციით “, – განაცხადა გიორგი ვოლსკიმ.