უკრაინამ ელჩის გაწვევასთან დაკავშირებით გადაწყვეტილებას უნდა გადახედოს, – ამის შესახებ საქართველოს პარლამენტის ვიცე-სპიკერმა, გია ვოლსკიმ ჟურნალისტებს განუცხადა.
როგორც გია ვოლსკიმ აღნიშნა, ორი კვირაა ელჩი საქართველოში იმყოფება.
„ელჩი რომ საქართველოში იმყოფება, ამ თემიდან შეიძლება რაღაც სკანდალური გამოადნო, მაგრამ უკრაინის, ზელენსკისა და ელჩის ემოციური მდგომარეობის გათვალისწინებით, უმჯობესია, ამ თემას აღარ ჩავყვეთ და ქილიკი არ დავიწყოთ, თურმე, ორი კვირაა საქართველოში იმყოფება. მძიმე მდგომარეობაშია უკრაინა და ჩავთვალოთ, რომ ელჩი, რომელიც თავის კაბინეტში არ ზის, გაწვეულია, თუმცა ფიზიკურად აქ იმყოფება. ცუდი ფაქტია და საქართველო-უკრაინის ურთიერთობის გაფუჭებისთვის საკმაოდ დიდი ძალებია მობილიზებული, რათა კიდევ ჩვენ არ დავამატოთ ელჩის საკითხზე დამატებითი კომენტარები“, – განაცხადა ვოლსკიმ.