რუსეთ-უკრაინის მოლაპარაკებებზე უკრაინის დელეგაციის ხელმძღვანელის დავით არახამიას თქმით, „რუსეთთან სამშვიდობო შეთანხმების გაფორმება შესაძლებელია მხოლოდ იმ შემთხვევაში, თუ რუსეთის საოკუპაციო ჯარი 23 თებერვლისთვის დაკავებულ პოზიციებს დაუბრუნდება“.
მისივე განმარტებით, ყველაზე რთული საკითხი მოლაპარაკებებზე დონეცკისა და ლუგანსკის ოკუპირებული ტერიტორიების საკითხი იყო, რომელთან დაკავშირებითაც მსჯელობა ჯერაც არ გამართულა.
„როდესაც დადგება შეთანხმების გაფორმების მომენტი, რუსულმა ჯარმა უნდა დატოვოს ის ტერიტორია, რომელიც 23 თებერვლის შემდეგ დაიკავა. მხოლოდ ამის შემდეგ დავსხდებით შეთანხმების ხელმოსაწერად. ეს არის აუცილებელი პირობა იმისთვის, რომ შეთანხმების ხელმოწერა უზრუნველვყოთ.
დონეცკისა და ლუგანსკის ოკუპირებული ტერიტორიების საკითხი თავიდანვე გვერდზე გადავდეთ, ვიდრე ერთმანეთს ლიდერები შეხვდებიან, მანამდე კი ჩვენ დანარჩენ საკითხებზე ვიმუშავებთ“, – განმარტავს არახამია.