მელიტოპოლიდან და ენერგოდარიდან ზაპოროჟიეს მიმართულებით ჰუმანიტარული დერეფანი გახსნილია. დერეფნების გახსნას უკრაინის ვიცე-პრემიერი ირინა ვერეშუკიც ადასტურებს. ამის შესახებ BBC წერს.
გამოცემის ინფორმაციით, ვერეშუკი წითელი ჯვრის საერთაშორისო კომიტეტზე დაყრდნობით აცხადებს, რომ რუსეთი მარიუპოლიდან საევაკუაციო დერეფნის გახსნას დათანხმდა. ხალხის გამოსაყვანად უკრაინის მთავრობამ ქალაქისკენ 45 ავტობუსი გაუშვა.
მანამდე კი რუსეთის თავდაცვის სამინისტრომ განაცხადა, რომ სამოქალაქო პირების ევაკუაციის გაეროს დევნილთა სააგენტოსა და წითელი ჯვრის დახმარებით განხორციელდება, ჰუმანიტარული დერეგანი მარიუპოლიდან კი ზაპოროჟიეს მიმართულებით გაიხსნება. პროცესი ადგილობრივი დროით 10:00 საათზე დაიწყო.
მარიუპოლში ათობით ათასი ადამიანი რჩება.
კომენტარები