ანკარა უკრაინისა და რუსეთის პრეზიდენტების შეხვედრის თარიღის შეთანხმების მოლოდინშია, – ამის შესახებ თურქეთს პრეზიდენტმა, რეჯეპ ტაიპ ერდოღანმა უზბეკეთში ვიზიტისას ჟურნალისტებს განუცხადა.
მან იმედი გამოთქვა, რომ შესაძლებელი იქნება პუტინ-ზელენკის შეხვედრის თარიღის შეთანხმება.
”შემართებით ვარ განწყობილი ვლადიმირ პუტინისა და ვოლოდიმირ ზელენსკის საუბრის საკითხთან დაკავშირებით, ჩვენი ამოცანა რუსეთისა და უკრაინის ლიდერების შეხვედრის უსწრაფესი ორგანიზებაა, ამის შესახებ მკაფიოდ განვუცხადებ ორივე ლიდერს“, – აღნიშნა ერდოღანმა.
უკრაინის უსაფრთხოების გარანტიების თემაზე საუბრისას, ერდოღანმა აღნიშნა, რომ თურქეთი მზადაა, გახდეს უკრაინისთვის ერთ-ერთი გარანტორი ქვეყანა.
”ჩვენ მზად ვართ, უზრუნველვყოთ საჭირო პლატფორმა. პუტინისა და ზელენსკის თურქეთისადმი არსებული ნდობა საფუძველს გვაძლევს, ვიმედოვნოთ შუამავლობის დადებითი გამოსავალი“, – დასძინა თურქეთის პრეზიდენტმა.