38 ქვეყანაა და 39-ე არის საქართველო, რომელმაც საერთაშორისო ტრიბუნალს მიმართა რუსეთის მიერ ჩადენილი დანაშაულებების ჩადენის გამოძიებისთვის, – ამის შესახებ პარლამენტის პირველმა ვიცე- სპიკერმა, გიორგი ვოლსკიმ განაცხადა.
მისი თქმით, საქართველო ასევე მონაწილეობდა იმ რეზოლუციის ტექსტის ჩამოყალიბებაში, რომელიც გაერთიანებული ერების ორგანიზაციამ მიიღო.
„საქართველოა ის ქვეყანა, რომელიც მონაწილეობდა იმ ტექსტის ჩამოყალიბებაში, რომელიც გაერთიანებული ერების ორგანიზაციამ რეზოლუციის სახით რამდენჯერმე მიიღო. ვინმე თუ თვლის, რომ პოლიტიკური გადაწყვეტილებები და პოლიტიკურ გადაწყვეტილებებში მონაწილეობა არაფერია, ან ამას მნიშვნელობა არ აქვს, მაშინ ნუ სვამს შეკითხვებს ყველა სხვა საკითხთან დაკავშირებით, რომელიც საერთაშორისო ურთიერთობების ანა-ბანას ეხება“, – განაცხადა გიორგი ვოლსკიმ.