დონეცკის ოლქში იერიშები გრძელდება. რუსული ძალები ტერიტორიას, მთელი ღამის განმავლობაში, ფოსფორის შემცველი რაკეტების გამოყენებით ბომბავდნენ.
ამ დროისთვის იზიუმი ყველაზე ცხელი წერტილია, ქალაქის უწყვეტი დაბომბვა ახლაც გრძელდება.
მიკოლაევის ადმინისტრაციული საბჭოს შენობაზე რუსული ჯარების სარაკეტო თავდასხმის შედეგად დაღუპულთა რიცხვი 19 მდე გაიზარდა.
რუსები ჩერნიჰივზე იერიშს განაგრძობენ. რუსეთი არღვევს საკუთარ პირობას, რომ კიევისა და ჩერნიჰივის მიმართულებით საომარი მოქმედებები უნდა შემცირებულიყო. ტერიტორიაზე გრძელდება დაბომბვა და სარაკეტო დარტყმები.
რაც შეეხება კიევს, რუსული ძალები განაგრძობენ პოზიციების დაკავებას კიევის აღმოსავლეთითა და დასავლეთით. უკრაინის შეიარაღებულმა ძალებმა ზაპოროჟიას ტერიტორიაზე რამდენიმე დასახლება გაათავისუფლეს.
UNIAN-ის ინფორმაციით, უკრაინის შეიარაღებულმა ძალებმა მე-7 სამხედრო ბაზის ქვედანაყოფებიდან რუსი დამპყრობლების ჯგუფი გაანადგურეს. ეს ის სამხედროები არიან, რომლებიც უკრაინის წინააღმდეგ საბრძოლველად ოკუპირებული აფხაზეთის რესპუბლიკიდან ჩავიდნენ.