უკრაინის გენერალური პროკურორის ყოფილმა მოადგილემ, დავით საყვარელიძემ, „TV პირველის“ ეთერში, უკრაინის შესახებ ისაუბრა და აღნიშნა, რომ „ზოგიერთი ქვეყანა, თუნდაც შეერთებული შტატები არ ჩქარობს, რომ [უკრაინაში მიმდინარე] ომი დაამთავროს ორ კვირაში ან ერთ თვეში“.
„იარაღი უკრაინას უნდა მიაწოდონ იმ პროპოციით, რა პრორციითაც საკმარისი იქნება ამ სამხედრო ურდოსა და აგრესიის შესაჩერებლად. ამ შემთხვევაში, რაც დღეს გვაქვს, არ არის საჭირო, გულახდილად გეტყვით, იმისთვის, რომ რუსებს გავუმკლავდეთ, ეს არის ფაქტიურად ზღვაში წვეთი. გასაგებია, რომ ზოგიერთი ქვეყანა, თუნდაც შეერთებული შტატები არ ჩქარობს, რომ ეს ომი დაამთავროს ორ კვირაში ან ერთ თვეში, ვინაიდან რაც მეტად ჩაეფლობა რუსეთი ამ ომში, მით უფრო მეტად აწყობს შეერთებულ შტატებს, რომ დაიცალოს რესურსისგან და სისხლისგან. ეკონომიკურად, შეერთებული შტატები არ ზარალდება დასავლეთ ევროპისგან გასხვავებით, პირიქით, გაზის მიწოდება სულ უფრო მეტად იზრდება შეერთებული შტატებიდან ევროპაში, ამიტომაც, იმ მოცულობის იარაღს აწვეთებენ და აწვდიან უკრაინას, რომელიც საჭიროს გახდის შეჩერებას დროებით, რომ უკრაინა მასიურად შეტევაზე არ გადავიდეს. საჭიროა ის თანამედროვე ტექნოლოგიები, რომელიც რუსეთს არ აქვს, ეს არის დრონები, სარაკეტო სისტემები, მათ შორის იმ რადიუსზე მოქმედი, რომელიც საჭიროა, რომ ზურგში დაარტყა და გაააჩერო ამ ურდოს შემოდინება უკრაინაში“, – განაცხადა დავით საყვარელიძემ.