კიდევ ერთხელ დადასტურდა ერთი რამ, რომ „ნაციონალური მოძრაობის“ პოლიტიკა არის ფარსი, – ასე უპასუხა პარლამენტის თავმჯდომარე შალვა პაპუაშვილმა ჟურნალისტის კითხვას – რას ემსახურებოდა „ნაციონალური მოძრაობის“ საპარლამენტო დელეგაციიდან გამოყოფა და უკრაინაში ცალკე წასვლა.
„ის, რასაც საჯაროდ გვაჩვენებენ, ყველაფერი დაკავშირებული, სამშობლოსთან, უკრაინასთან, პატრიოტიზმთან, სიცოცხლესთან, სიკვდილთან, ეს ყველაფერი, მათი დამოკიდებულება (საჯარო რაც არის) არის ფარსი და სინამდვილეში, ეს არის უბრალოდ ინსტრუმენტები იმისთვის, რომ თავიანთ პოლიტიკურ მიზანს მიაღწიონ – დაიბრუნონ ძალაუფლება. ყველაფერი ამას ემსახურება. ჩვენ ვხედავთ, რომ ნებისმიერ ასეთ თემას, ისინი პოლიტიკურად იყენებენ, ერთადერთი მიზნით, რომ დაიბრუნონ ის აბსოლუტური ძალაუფლება, რომელიც მათ ჰქონდათ“, – განაცხადა პაპუაშვილმა.