36-ე ცალკეული საზღვაო ბრიგადის მეთაურმა, მაიორმა სერგეი ვოლინმა რომის პაპს ფრანცისკეს წერილით მიმართა იმისთვის, რომ საპორტო ქალაქ მარიუპოლში დარჩენილ მოქალაქეებს დახმარება გაუწიოს.
„თქვენო უწმინდესობავ, მე არ ვარ კათოლიკე, მე ვარ მართლმადიდებელი. მე მწამს ღმერთის და ვიცი, რომ სინათლე ყოველთვის სძლევს სიბნელეს.
მე არ მინახავს თქვენი მიმართვები მსოფლიოსადმი და არ წამიკითხავს თქვენი ბოლოდროინდელი განცხადება, 50 დღეზე მეტია ვიბრძვით… მე ვარ მებრძოლი. მე ვარ ოფიცერი, რომელმაც თავისი ქვეყნის ერთგულების ფიცი დადო. მე მზად ვარ ბოლომდე ვიბრძოლო. ბრძოლის ველზე არაადამიანური პირობების, წყლის, საკვებისა და მედიკამენტების ნაკლებობის მიუხედავად ბოლომდე ვიბრძვით.
მსგავსი ამბების შესახებ ალბათ ბევრი გსმენიათ, მაგრამ დარწმუნებული ვარ არასოდეს გინახავთ ის, რაც მარიუპოლში ხდება. იმიტომ რომ ასე გამოიყურება ჯოჯოხეთი დედამიწაზე“, – აღნიშნულია პაპის მისამართით გაგზავნილ წერილში.
https://pia.ge/