“ოპოზიციის რადიკალურ ნაწილს შეუძლია გააკეთოს ის სიკეთე რომ, დაბრკოლებები არ შეუქმნან კითხვარის სათანადო შევსებას”

ერთადერთი რაც შეუძლია ოპოზიციის რადიკალურ ნაწილს გააკეთოს ამ პროცესში სიკეთე, ეს არის ის, რომ დაბრკოლებები არ შეუქმნან კითხვარის სათანადო შევსებას, – ამის შესახებ „ქართული ოცნების“ თავმჯდომარემ, ირაკლი კობახიძემ განაცხადა. მისი თქმით, პოლიტიკურ ძალებს, რომლებსაც საკითხთან მიმართებით განსხვავებული ინტერესები აქვთ, კითხვარის შევსების პროცესში ღრმად ვერ ჩართავენ.

„ისინი არიან დაინტერესებულები საპირისპირო შედეგით. სამწუხაროდ ეს მათ აჩვენეს, როგორც ვიზალიბერალიზაციის საკითხის განხილვისას, ასევე, მოგვიანებით, ყოველ ჯერზე, როდესაც საქმე ეხებოდა საქართველოს დასავლურ სტრუქტურებში ინტეგრაციას. იმ პოლიტიკურ ძალებს, რომლებსაც აქვს აქვთ განსხვავებული ინტერესები, ბუნებრივია, ჩვენ ვერ ჩავრთავთ ასეთ პროცესებში მეტისმეტად ღრმად“, – განაცხადა კობახიძემ.