ლიდერების კონფერენციაზე, რომელშიც ნატო-ს გენერალურმა მდივანმა იენს სტოლტენბერგმა მიიღო მონაწილეობა, განხილვის თემა კრემლისთვის მძიმე საფასურის გადახდა და უკრაინის დასახმარებლად შემდგომი კოორდინაციის გაწევა იყო.
ამის შესახებ ნატო-ს ოფიციალურ გვერდზე გავრცელებულ განცხადებაშია ნათქვამი.
განცხადების თანახმად, აშშ-ის პრეზიდენტ ჯო ბაიდენის მიერ გამართულ კონფერენციაზე ლიდერებმა დაგმეს რუსეთის ამჟამინდელი თავდასხმა ფრონტის ხაზის გასწვრივ აღმოსავლეთ უკრაინაში, მათ შორის მასშტაბური დაბომბვით, რაც კიდევ უფრო დიდ ადამიანურ ტანჯვას იწვევს.
„ლიდერებმა ხაზგასმით აღნიშნეს, რომ პრეზიდენტმა პუტინმა დაუყოვნებლივ უნდა დაასრულოს ომი და ისინი შეთანხმდნენ მოსკოვისთვის უფრო მაღალი ხარჯების დაკისრების მნიშვნელობაზე, ვიდრე ის ამას გააკეთებს. გენერალურმა მდივანმა კოლეგებს მიაწოდა ინფორმაცია ნატო-ს შეკავებისა და თავდაცვის გასაძლიერებლად სამუშაოების შესახებ და ხაზგასმით აღნიშნა, რომ ნატო გააკეთებს ყველაფერს, რაც საჭიროა ყველა მოკავშირის დასაცავად. მან ასევე გააცნო სხვა ლიდერებს მოკავშირეების მუშაობა უკრაინის შემდგომი სამხედრო, ეკონომიკური და ჰუმანიტარული დახმარების შესახებ“, – აღნიშნულია ჩრდილოატლანტიკური ალიანსის განცხადებაში.