ნატოს გენერალური მდივნის თანაშემწის მოადგილე უსაფრთხოების თანამედროვე გამოწვევების მიმართულებით, ჯეიმს აპატურაი, საქართველოს პარლამენტის თავდაცვისა და უშიშროების კომიტეტის წინაშე სიტყვით გამოდის. აპატურაის მოხსენების თემაა NATO-ს თანამშრომლობა საქართველოსთან კიბერუსაფრთხოებისა და ჰიბრიდულ საფრთხეებთან ბრძოლის სფეროში. კომიტეტის სხდომა დახურულია.
სხდომის დაწყებამდე აპატურაიმ მოკლე კომენტარი გააკეთა მედიასთან და მსოფლიოში არსებული უსაფრთხოების მდგომარეობასა და საქართველოსადმი ალიანსის დამოკიდებულების ურყეობას გაუსვა ხაზი.
„მართალია, რომ ვითარება უსაფრთხოების მხრივ გაუარესდა, ეს ცხადია. მაგრამ, რაც არ შეცვლილა, ესაა ნატოს ერთგულება მისი ღია კარის პოლიტიკის მიმართ. ჩემი აზრით, ძალიან ნათელია, რომ ეს ახლაც ასეა საქართველოსთან დაკავშირებით. დარწმუნებული ვარ, რომ როდესაც ნატოს ლიდერები შეხვდებიან მადრიდში, ივნისის ბოლოს და განაცხადებენ, რომ ჩვენი ერთგულება ღია კარის მიმართ კვლავ ნათელია“, – განაცხადა ჯეიმს აპატურაიმ.
კომიტეტის სხდომის დახურვამდე თავდაცვისა და უშიშროების კომიტეტის თავმჯომარემ ირაკლი ბერაიამ უკრაინაში რუსეთის მიერ წარმოებული ომის ფონზე მსოფლიოში არსებულ უსაფრთხოების გარემოზე და შავი ზღის რეგიონში არსებულ გამოწვევებზე, ამასთან საქართველოსა და ნატოს პარტნიორობის მნიშვნელობაზე ისაუბრა.
„საქართვვლო არის ნატოს გაძლიერებული ასპირანტი პარტნიორი, ფლობს ალიანსში გაწევრიანების ყველა პრაქტიკულ ინსტრუმენტს და არსდროს ყოფილა ნატოსთან ისე ახლოს, როგორც დღეს. იმ პირობებში, როდესაც საფრთხის წინაშე დგას წესებზე დაფუძნებული საერთაშორისო წესრიგი, როდესაც რუსეთის ფედერაცია კაცობრიობის ისტორიაში ერთ-ერთ უსასტიკეს ომს აწარმოებს ჩვენი სტატეგიული პარტნიორი სუვერენული, ევროპული სახელმწიფოს წინააღმდეგ, განსაკუთრებულ მნიშვენლობას იძენს საერთაშორისო არქიტექტურის, განსაკურებით შავი ზღვის უსაფრთხოების ზომების შემდგომი გაძლიერება და გადაუდებელ აუცილებლობას წარმოდგენს ალიანსის გაფართოება და მასში საქართველოს ინტერგაცია“, – განაცხადა ირაკლი ბერაიამ.
მისი თქმით, მომავლის ნატოს სჭირდება ისეთი პასუხისმგებლიანი მოკავშირე, როგორიც არის საქართველო.
„ჩვენ მივესალმებით ნატოს მხრიდან ღია კარის პოლიტიკის და 2008 წლის ბუქარესტის სამიტის გადაწყვეტილების ერთგულებას, იმის ხაზგასმას, რომ ყველა ქვეყანა თავად წყვეტს აირჩიოს ალიანსები და რომ ვერც ერთი მესამე ძალა ამას ვეტოს ვერ დაადებს. ჩვენ გავქვს მოლოდინი, რომ მადრიდის სამიტის კომუნიკეში და ნატოს ახალ სტატეგიულ კონცეფციაში სათანადოდ აისახება ეს ასპექტები და უფრო დაკონკრეტდება საქართველოს ევროატლანტიკური პერსპექტივა… უდიდეს მნიშვნელობას ვანიჭებთ ალიანსთან თანამშრომლობის გაღრმავებას კიბერუსაფრთხოების და ჰიბრიდულ საფრთხეებთან ბრძოლის სფეროში, რადგანაც ეს წარმოდგენს ჩვენი უსაფრთხოების მნიშვნელოვან პრიორიტეტს, შავი ზღვის უსაფრთხოების ფართო ჭრილში ერთ-ერთ უმნიშვნელოვანეს ელემენტს“, – განაცახადა ირაკლი ბერაიამ.
ჯეიმს აპატურაი ვიზიტის ფარგლებში შეხვედრებს გამართავს საქართველოს ხელისუფლების წარმომადგენლებთან. პარლამენტის გარდა, დაგეგმილია შეხვედრები იუსტიციის სამინისტროში, საგარეო საქმეთა სამინისტროსა და თავდაცვის სამინისტროში. ის ასევე შეხვდება ელჩებს.
ჯეიმს აპატურაი 2010-2019 წლებში სამხრეთ კავკასიასა და ცენტრალურ აზიაში NATO-ს გენერალური მდივნის სპეციალური წარმომადგენლის პოსტს იკავებდა.