საქართველოს აქვს ძლიერი მხარდაჭერა საერთაშორისო საფინანსო ინსტიტუტებისგან და ეს მხარდაჭერა ვაშინგტონში ორმხრივად დადასტურდა, – ამის შესახებ აშშ-ში ვიზიტით მყოფმა ფინანსთა მინისტრმა, ლაშა ხუციშვილმა „ქრონიკას“ განუცხადა.
„საქართველოს აქვს ძლიერი მხარდაჭერა საერთაშორისო საფინანსო ინსტიტუტებისგან და ეს მხარდაჭერა ვაშინგტონში ორმხრივად დადასტურდა, ეს მხარდაჭერა მომავალშიც გაგრძელდება. ორმხრივი შეხვედრები გაიმართა სახელმწიფო დეპარტამენტშიც, სადაც განვიხილეთ საერთაშორისო სანქციების აღსრულების პროცესი საქართველოში, რომელმაც საკმაოდ მაღალი შეფასება მიიღო. სანქციებთან დაკავშირებით არანაირი კითხვა, რომ სანქციების არიდების გზა შეიძლება საქართველო იყოს, არ არსებობს. ამ მხრივ, ღონისძიებები, რაც საქართველომ გაატარა, კითხვის ნიშნებს არ ტოვებს“, – აცხადებს მინისტრი.