საქართველოს კარგად ესმის, თუ რას ნიშნავს ომი, ოკუპაცია და თავისუფლებისთვის ბრძოლა, ესმის სოლიდარობის ფასი, – ამის შესახებ სალომე ზურაბიშვილმა აშშ-ის კონგრესის დელეგაციასთან შეხვედრის შემდეგ გამართულ პრესკონფერენციაზე განაცხადა.
„ამიტომ დღეს, ვნების კვირის დიდ ხუთშაბათს, მარიუპოლი ალყაში მოქცეული ახალ სტალინგრადად უნდათ აქციონ და აწამონ, მინდა თქვენი თანდასწრებით კიდევ ერთხელ გამოვუცხადო უკრაინელ ხალხს საქართველოს თანადგომა. დღეს ჩვენი აქ ერთად დგომა კიდევ ერთი გზავნილია, რომ თავისუფლებასა და დამოუკიდებლობას არავინ დათმობს. ამ მძიმე კონტექსტში თქვენი ვიზიტი კიდევ უფრო დიდ მნიშვნელობას იძენს. ეს ვიზიტი ხაზს უსვამს იმას, რომ საქართველოს არ ივიწყებთ და თქვენი ყურადღება საქართველოს მიმართ არ ნელდება, არც მიმდინარე ომის ფონზე და არც სხვა გამოწვევებიდან გამომდინარე“, – განაცხადა პრეზიდენტმა.