საქართველოს პრემიერ-მინისტრი ირაკლი ღარიბაშვილი დღეს 41-ე უკრაინული სკოლის მოსწავლეებს შეხვდა, პრემიერი სკოლაში შვილებთან ნინოსთან და გაბრიელთან ერთად მივიდა.
“ჩემს შვილებთან – გაბრიელთან და ნინოსთან ერთად მოვინახულე უკრაინელი მოსწავლეები,
რომლებიც 41-ე საჯარო სკოლაში, უკრაინულ სექტორზე სწავლობენ.
ქართველი ხალხი ყველაფერს აკეთებს უკრაინელი ხალხის დასახმარებლად. ჩვენ ვართ 191 ქვეყანას შორის პირველ ადგილზე, რომელმაც ყველაზე მეტი – 500 ტონა ჰუმანიტარული ტვირთი გააგზავნა უკრაინაში.
უკრაინის იმ მოქალაქეებისთვის, რომლებიც საქართველოში იმყოფებიან, ჩვენ მაქსიმალურ მხარდაჭერას და ყურადღებას გამოვხატავთ და ეს მხარდაჭერა გაგრძელდება.
კიდევ ერთხელ ვუსურვებ უკრაინელ ხალხს ომის მალე დასრულებას, მშვიდობის დამყარებას და თავიანთ სახლებში დროულად დაბრუნებას”-წერს პრემიერი სოციალურ ქსელში.
