უკრაინაში ომი გაგრძელდება მანამ, სანამ “რუსეთი არ გადაწყვეტს მის დასრულებას” – განუცხადა CNN-ს გაეროს გენერალურმა მდივანმა, ანტონიო გუტერეშმა.
”ომი არ დასრულდება შეხვედრებით. ომი დასრულდება, როდესაც რუსეთის ფედერაცია გადაწყვეტს მის დასრულებას და როცა იქნება ცეცხლის შეწყვეტის შემდეგ სერიოზული პოლიტიკური შესაძლებლობა. ჩვენ შეგვიძლია ყველა შეხვედრა ჩავატაროთ, მაგრამ ეს არ დაასრულებს ომს”, – თქვა მან.
ცნობისთვის, სამშაბათს რუსეთის პრეზიდენტ პუტინთან შეხვედრის შემდეგ, გუტერეში გაემგზავრა კიევში, სადაც უკრაინის პრეზიდენტს უნდა შეხვდეს.
პუტინთან მოლაპარაკების შემდეგ ცნობილი გახდა, რომ ის “პრინციპში” დათანხმდა გაეროს და წითელი ჯვრის საერთაშორისო კომიტეტს, დაეხმარონ მოქალაქეების ევაკუაციაში მარიუპოლში მდებარე აზოვსტალის ქარხნიდან.
კომენტარები