საქართველოს მთავრობა ევროკომისიას ორშაბათს გადასცემს კითხვარის პირველ ნაწილს, რომელიც გადოგვეცა დასამუშავებლად, – ამის შესახებ საქართველოს საგარეო საქმეთა მინისტრმა, ილია დარჩიაშვილმა მთავრობის ადმინისტრაციაში გამართულ ბრიფინგზე განაცხადა.
მისი თქმით, დღეს პრემიერ-მინისტრის თავმჯდომარეობით გაიმართა ევროინტეგრაციის სამთავრობო კომისიის სხდომა.
„აღნიშნული კომისია არის მთავარი მაკოორდინირებელი პლატფორმა ჩვენი კითხვარის შევსების პროცესში. აღნიშნულ კომისიაზე ჩვენ განვიხილეთ ყველა მიმდინარე მნიშვნელოვანი საკითხი. აღსანიშნავია, რომ 15 აპრილს, როდესაც ჩვენი წინა კომისიის ფარგლებში გვქონდა შეხვედრა, საქართველოს პრემიერ-მინისტრის მხრიდან განისაზღვრა კონკრეტული შიდა თარიღები, რომლის ფარგლებშიც უნდა მომზადებულიყო აღნიშნული კითხვარის პირველი ნაწილი, რომელიც გადმოგვეცა. დღეს ჩვენ კომისიის ფარგლებში პრემიერ-მინისტრთან ერთად განვიხილეთ აღნიშნული საკითხი და აღნიშნული კითხვარის პირველი ნაწილი მომზადდა ყველა სახელმწიფო უწყების მხრიდან აქტიური ჩართულობით, უზარმაზარი სამუშაო გაიწია. საქართველოს მთავრობა ორშაბათს ევროკომისიას გადასცემს კითხვარის პირველ ნაწილს, რომელიც გადმოგვეცა დასამუშავებლად“, – განაცხადა ილია დარჩიაშვილმა.