უკრაინის პრეზიდენტმა, ვოლოდიმირ ზელენსკიმ გერმანიის კანცლერ ოლაფ შოლცს მოუწოდა, ძლიერი ნაბიჯი გადადგას და 9 მაისს კიევს ეწვიოს.
„ჩვენ ის [ოლაფ შოლცი] უკრაინაში მოვიწვიეთ. მას შეუძლია გადადგას ეს ძალიან ძლიერი პოლიტიკური ნაბიჯი და ჩამოვიდეს აქ [კიევში] 9 მაისს“, – აღნიშნა უკრაინის პრეზიდენტმა.
5 მაისს, უკრაინის პრეზიდენტმა, ვოლოდიმირ ზელენსკიმ გერმანიის კანცლერი ოლაფ შოლცი და პრეზიდენტი ფრანკ-ვალტერ შტაინმაიერი კიევში მიიწვია.
12 აპრილს, გერმანიის პრეზიდენტმა, ფრანკ ვალტერ შტაინმაიერმა დაადასტურა, რომ უკრაინულმა მხარემ კიევში მისი ვიზიტი არასასურველად მიიჩნია.
4 მაისს, გერმანიის კანცლერმა, ოლაფ შოლცმა განაცხადა, რომ გერმანიას უკრაინასთან ურთიერთობაში პრობლემა ჰქონდა მას შემდეგ, რაც გასულ თვეში გერმანიის პრეზიდენტის კიევში ვიზიტი გაუქმდა.
კომენტარები