უკრაინული დაზვერვა იუწყება, რომ რუსი ოფიცრები საბრძოლო პოზიციებს მარიუპოლში, 9 მაისის, აღლუმის ჩასატარებლად დატოვებენ. უკრაინის დედაქალაქში კვლავ განგაშის სიგნალი ისმის.
10 მაისს კი გერმანიის საგარეო საქმეთა მინისტრი კიევს უნდა ეწვიოს. ოკუპანტები უკრაინის აღმოსავლეთით შეტევას აძლიერებენ, დონეცკის ოლქში იერიში არ წყდება.
უკრაინის პრეზიდენტის ოფისის ხელმძღვანელის მრჩეველი, ოლექსეი არესტოვჩი აცხადებს, რომ ოკუპანტები ცდილობენ ლუგანსკში, სადაც ამჯერად მძიმე მდგომარეობაა, 9 მაისამდე რაიმე შედეგს მიაღწიონ:
“როგორც ჩანს, რუსეთის სარდლობას რუბეჟიეს ალყაში მოქცევა სურს. ისინი იზიუმში დიდ წარმატებას ვერ აღწევენ. ოკუპანტები ცდილობენ, 9 მაისამდე ლუგანსკში რაიმე შედეგს მიაღწიონ და ეს მაინც გააკეთონ. ამ დროისთვის, ლუგანსკიში მძიმე მდგომარეობაა. ვნახოთ რა იქნება,“- აცხადებს არესტოვიჩი.
ლუგანსკის გუბერნატორის განცხადებით, ყველაზე დიდი ზეწოლა ახლა მათი მიმართულებითაა, თუმცა, იმედს იტოვებენ, რომ მტერს უკან დაახევინებენ:
“რუსეთს თავისი გეგმები არ შეუცვლია. ყველაზე დიდი ზეწოლა ჩვენი მიმართულებითაა. სევეროდონეცკიში მძიმე ბრძოლები მიმდინარეობ – მათ, სევეროდონეცკისა და ლუგანსკის ხელი ჩაგდება სურთ. სევეროდონეცკი უმეტესად გრადითა და არტილერიით იბომბება. ვოევოდივკაში ბრძოლები უკვე ჩვეულებრივი ამბავია, ასევე სიტუაცია ძალიან მძიმე პოპასნაში. ყველაფერი დანგრეულია, ოკუპანტები სარაკეტო იერიშებს ახორციელებენ. იმედი გვაქვს, ვაიძულებთ მათ, რომ უკან დაიხიონ,”- აღნიშნავს ლუგანსკის გუბერნატორი სერგეი ჰაიდაი.