“იმედი მაქვს რომ, სააკაშვილი დაემორჩილება მკურნალობის გეგმას და ის თავადვე აღმოუჩენს საკუთარ თავს დახმარებას”

კონკრეტული პატიმარი უარს ამბობს გარკვეული ტიპის მზრუნველობის მიღებაზე, რომელსაც მას პენიტენციური დაწესებულება უწევს და სთავაზობს, რაც დასანანია, – განაცხადა კულტურის მინისტრმა თეა წულუკიანმა მიხეილ სააკაშვილზე საუბრისას. მინისტრი იმედოვნებს, რომ მსჯავრდებული ყოფილი პრეზიდენტი საკუთარ თავს დახმარებას აღმოუჩენს – იმკურნალებს იმ გეგმით, რომელსაც პენიტენციური სამსახური სთავაზობს.

„მე იმედი მაქვს რომ, ბატონი სააკაშვილი შეიცვლის თავის პოზიციას დაემორჩილება მკურნალობის იმ გეგმას, რომელიც პენიტენციურ სამსახურს აქვს და ის თავადვე აღმოუჩენს საკუთარ თავს დახმარებას, რომლის გარეშეც პენიტენციური სამსახური ვერაფერს გახდება“, – აღნიშნა წულუკიანმა.