პუტინმა მთავრობას ყოფილი სსრკ მოქალაქეებისთვის რუსული პასპორტის მიღების პროცედურის გამარტივება დაავალა

რუსეთის პრეზიდენტმა ვლადიმერ პუტინმა დაავალა მთავრობას ყველა აუცილებელი პროცედურა გაატარონ, რათა რუსეთში რეგისტრაციის, ან რუსეთის მოქალაქეობის მიღების პროცედურა გაამარტივოს. პუტინის განცხადებით, ეს, განსაკუთრებით, ყოფილი საბჭოთა კავშირის მოქალაქეებს ეხებათ.
„მე არაერთხელ გამიმახვილებია მთავრობის წევრთა ყურადღება იმაზე, რომ რუსეთის მოქალაქეობის მიღების საკითხები განსაკუთრებით საბჭოთა კავშირის ყოფილი რესპუბლიკების მოქალაქეების მიერ მაქსიმალურად უნდა იყოს გამარტივებული“ – განაცხადა პუტინმა კულტურის და ხელოვნების საბჭოს სხდომაზე. ამასთანავე პუტინმა აღნიშნა, რომ ამის უზრუნველყოფის დროს სხვადასხვა საკითხები, მათ შორის რუსეთის უსაფრთხოების ინტერესები უნდა იყოს გათვალისწინებული. პუტინმა განაცხადა, რომ ამჟამად რუსეთში დაახლოებით 10 მილიონი ადამიანია, ვინც ქვეყანაშ „არალეგალურად, ან ნახევრად ლეგალურად იმყოფება“.