რუსეთი ათეულობით ქვეყანას სასურსათო ბაზრის კრიზისისა და შიმშილის საფრთხის წინაშე აყენებს. უკრაინის პრეზიდენტის განცხადებით, ქვეყნის გათავისუფლება სასურსათო უსაფრთხოების აღდგენაზე პირდაპირ პროპორციულად იმოქმედებს.
ვოლოდიმირ ზელენსკიმ ამერიკის შეერთებული შტატების სენატის წევრებთან შეხვედრაზე აღნიშნა, რომ ვიზიტი შტატების ორპარტიული მხარდაჭერის სიძლიერეს ადასტურებს.
“მოფლიოს ქვეყნების სულ უფრო დიდი რაოდენობა აცნობიერებს, რომ ჩვენთვის შავი ზღვის დაბლოკვით და ამ ომის გაგრძელებით, რუსეთი ათობით სხვა ქვეყანას სასურსათო ბაზარზე ფასების ზრდისა და შიმშილის საფრთხის წინაშე აყენებს. ეს არის კიდევ ერთი სტიმული ჩვენი ომის საწინააღმდეგო კოალიციისთვის, რომ იმოქმედონ ერთად უფრო მტკიცედ.
ახლა უკრაინის მხარდაჭერა, უპირველეს ყოვლისა, იარაღით – ნიშნავს მუშაობას გლობალური შიმშილის თავიდან ასაცილებლად. რაც უფრო მალე გავათავისუფლებთ ჩვენს მიწას და უზრუნველვყოფთ უკრაინის უსაფრთხოებას, მით უფრო მალე აღდგება სურსათის ბაზრის ნორმალური მდგომარეობა. დონბასში ვითარება კვლავ ძალიან მძიმე რჩება. რუსული ჯარები კვლავ ცდილობენ რაიმე სახის გამარჯვების ჩვენებას, რაც სრულმასშტაბიანი შეჭრის 80-ე დღეს განსაკუთრებით უგუნურად გამოიყურება”.- განაცხადა უკრაინის ლიდერმა.