პრემიერ-მინისტრის ხელმძღვანელობით საქართველოს დელეგაცია Globsec-ის უსაფრთხოების საერთაშორისო ფორუმში მონაწილეობს. ფორუმში მონაწილეობის მისაღებად ბრატისლავაში იმყოფებიან პრემიერ-მინისტრი ირაკლი ღარიბაშვილი, ვიცე-პრემიერი ლევან დავითაშვილი, თავდაცვის მინისტრის პირველი მოადგილე ლელა ჩიქოვანი და აჭარის მთავრობის თავმჯდომარე.
დაგეგმილია სიტყვით გამოსვლა პრემიერის ფორუმის იმ ნაწილზე, სადაც საუბარია ევროპის სამეზობლო პოლიტიკაზე.
სლოვაკეთში საქართველოს ელჩის, რევაზ ბეშიძის განცხადებით, წლევანდელ GLOBSEC-ს საქართველოდან წარმომადგენლობითი დელეგაცია ესწრება.
„Globsec“ უსაფრთხოების საკითხებზე ერთ-ერთი ყველაზე ავტორიტეტული ფორუმია ევროპაში. წელს „გლობსეკის“ ფოკუსი იქნება უკრაინაში რუსეთის აგრესიის საკითხებზე შესაბამისად ევროპაში უსაფრთხოების გამოწვევებზე, წლევანდელ „გლობსეკს“ საქართველოდან ესწრება საკმაოდ წარმომადგენლობითი შემადგენლობა, პრემიერ მინისტრის ხელმძღვანელობით, რომელიც არის მთავარი მომხსენებელი ევროკავშირის სამეზობლო პანელზე. მასთან ერთად მომხსენებელი არის მოლდოვის პრეზიდენტი. ასევე, პრემიერ-მინისტრს ექნება ორმხრივი შეხვედრები თავის კოლეგებთან, ასევე ევროკავშირის მაღალ პოლიტიკურ ხელმძღვანელობასთან. „გლობსეკის“ ფარგლებში ხელი მოეწერება შეთანხმებას ინობატის კომპანიასთან, ხელს მოაწერს ჩვენი მხრიდან ბატონი ლევან დავითაშვილი. ტრადიციულად „გლობსეკი“ ეს არის ძალიან კარგი პლატფორმა, სადაც საქართველოს კიდევ ერთხელ შეუძლია თავისი პრიორიტეტების წარმოჩენა, რა თქმა უნდა, ამ ეტაპზე ჩვენი მთავარი პრიორიტეტია ევროკავშირში გაწევრიანების საკითხებზე ჩვენი საკითხების ლობირება, ამის შესაძლებლობას იძლევა „გლობსეკი“. პრემიერ-მინისტრი მიიღებს მონაწილეობას ევროკავშირის სამეზობლო პანელზე, რომელიც მიძღვნილია იმ განვითარებებზე, რომელიც მიძღვნილია იმ განვითარებებზე, რომელიც ჩვენ გვაქვს ევროკავშირის სამეზობლოში, პირველ რიგში საუბარია საქართველოზე მოლდოვაზე და უკრაინაზე. ძირითადად საუბარი შეეხება ევროკავშირთან ჩვენი ქვეყნების პერსპექტივებზე“, – განაცხადა სლოვაკეთში საქართველოს ელჩმა, რევაზ ბეშიძემ.