საერთაშორისო უფლებამდამცველმა ორგანიზაცია Amnesty International-მა რუსეთი ქალაქ ხარკოვის აღების მცდელობისას ომის დანაშაულების ჩადენაში დაადანაშაულა. ინფორმაციას ამის შესახებ ტელეკომპანია CNN-ი ავრცელებს.
ახალ ანგარიშში ორგანიზაციამ დააფიქსირა კასეტური საბრძოლო მასალისა და თავდასხმის სხვა განურჩეველი საშუალებების სავარაუდო გამოყენება.
„ხარკოვის საცხოვრებელი უბნების მრავალჯერადი დაბომბვა განურჩეველ თავდასხმას წარმოადგენს, რის შედეგადაც, ასობით მშვიდობიანი მოქალაქე დაიღუპა და დაშავდა და, როგორც ასეთი, ომის დანაშაულია. ეს ეხება როგორც კასეტური საბრძოლო მასალის გამოყენებით განხორციელებულ დარტყმებს, ასევე სხვა ტიპის უმართავი რაკეტებისა და უმართავი საარტილერიო ჭურვების გამოყენებით განხორციელებულ დარტყმებს“, – აღნიშნულია Amnesty International-ანგარიშში.