ევროკომისიის პრეზიდენტმა, ურსულა ფონ დერ ლაიენმა განაცხადა, რომ რუსეთის შანტაჟის საპასუხოდ, ევროკავშირს ისრაელთან ენერგეტიკული თანამშრომლობის გაძლიერება სურს.
„კრემლმა რუსულ წიაღისეულ საწვავზე ჩვენი დამოკიდებულება ჩვენს დასაშანტაჟებლად გამოიყენა“, – აღნიშნა ისრაელში ვიზიტით მყოფმა ევროკომისიის პრეზიდენტმა.
„[უკრაინაში] ომის დაწყებიდან რუსეთმა მიზანმიმართულად შეწყვიტა გაზის მიწოდება პოლონეთისთვის, ბულგარეთისა და ფინეთისთვის, ჰოლანდიური და დანიური კომპანიებისთვის, რაც უკრაინისადმი ჩვენი მხარდაჭერის პასუხი იყო“, – აღნიშნა ურსულა ფონ დერ ლაიენმა.
მისი თქმით, კრემლის ქცევა მხოლოდ აძლიერებს ევროკავშირის სურვილს, გათავისუფლდეს რუსულ წიაღისეულ საწვავზე დამოკიდებულებისგან.
კომენტარები