უკრაინის პრეზიდენტი, ვოლოდიმირ ზელენსკი მიიჩნევს, რომ რუსეთი, თუ ამის შესაძლებლობა მიეცემა, თავის ამბიციებს დონეცკისა და ლუგანსკის ოლქების მიღმა გააფართოვებს.
„დარწმუნებული ვარ, თუ უკრაინა საკმარისად ძლიერი არ იქნება, ისინი უფრო შორს წავლენ. ჩვენ ვაჩვენეთ მათ [რუსებს] ჩვენი ძალა და მნიშვნელოვანია, რომ ეს ძალა ჩვენთან ერთად ჩვენმა დასავლელმა პარტნიორებმაც გამოავლინონ“, – აღნიშნა ვოლოდიმირ ზელენსკიმ.
ზელენსკიმ კიდევ ერთხელ მიმართა დასავლეთის ქვეყნებს მეტი შეიარაღების მიწოდების მოთხოვნით. მან თქვა, რომ მადლიერია იმისთვის, რაც უკვე გაიგზავნა, თუმცა შეიარაღების მიწოდება უფრო სწრაფად უნდა მოხდეს, თუ უკრაინის მოკავშირეებს სურთ შეაჩერონ რუსეთის ტერიტორიული ამბიციები.
კომენტარები