როგორი კავშირ-ურთიერთობები აქვს და სად შველის რუსეთს „ნაციონალური მოძრაობა“ საქართველოში, რამდენჯერ ელოდება რუსეთისგან მაშველ რგოლს „ნაციონალური მოძრაობა“ და კონკრეტულად რომელი პირების მიერ, იქნება ეს ხოშტარია, სააკაშვილი, გვარამია და ასე შემდეგ, რომელი პირების მეშვეობით აკეთებს თავის რუსულ საქმეს, ეს განსჯის საგნად საზოგადოებას დავუტოვოთ, – ამის შესახებ პარლამენტის იურიდიულ საკითხთა კომიტეტის თავმჯდომარის მოადგილემ, დავით მათიკაშვილმა „ქრონიკაში“ ჩართვისას ელენე ხოშტარიაზე საუბრისას განაცხადა.
იგი „ქრონიკის“ მიერ მოპოვებულ ინფორმაციას გამოეხმაურა, რომლის მიხედვითაც ელენე ხოშტარიას ოჯახის წევრის ანგარიშზე რუსეთიდან, პერიოდულად მილიონობით რუსული რუბლი ირიცხება.
„ელენე ხოშტარია გახლავთ, რუსული საგარეო უსაფრთხოების სპეციალისტი. ის, რომ ელენე ხოშტარია და მისი ოჯახი, პერმანენტულად იღებს რუსეთიდან თანხებს და ის, რომ ელენე ხოშტარია და მისი ოჯახი ამ თანხებით საქართველოში ყიდულობს უძრავ ქონებას, ეს არის ფაქტები და არა აღქმები. ფაქტებია, რომელსაც სჭირდება სათანადო შეფასება.
როგორაც არ უნდა წარმოაჩინოს ახლა ეს ხოშტარიამ და მისმა ოჯახმა, ფაქტია, რომ საქართველოს ოკუპანტი ქვეყნის, რომელსაც ტერიტორიის 20% აქვს ოკუპირებული და უკრაინაში აწარმოებს საშინელ აგრესიას, აი, სწორედ ამ ქვეყნიდან ელენე ხოშტარია, რომელიც დღესაც „ნაციონალურ მოძრაობასთან“ მოიაზრება, ეს პიროვნება, რომელიც უაპელაციოდ, თითის გაშვერით, ყველას ათასგვარ სისაძაგლეს აბრალებს, პირდაპირ, დოკუმენტურად და საკუთარი აღიარებითაც ადასტურებს, რომ რუსეთიდან იღებს თანხებს.
როგორი კავშირ-ურთიერთობები აქვს და სად შველის რუსეთს „ნაციონალური მოძრაობა“ საქართველოში, რამდენჯერ ელოდება რუსეთისგან მაშველ რგოლს „ნაციონალური მოძრაობა“ და კონკრეტულად რომელი პირების მიერ, იქნება ეს ხოშტარია, სააკაშვილი, გვარამია და ასე შემდეგ, რომელი პირების მეშვეობით აკეთებს თავის რუსულ საქმეს, ეს განსჯის საგნად საზოგადოებას დავუტოვოთ. ფაქტები და არა აღქმები, რადგან სწორედ ფაქტები მეტყველებს რეალობაზე, ხოლო აღქმები ძალიან ხშირ შემთხვევაში არასწორ განწყობებს, ხოლო შემდეგ არასწორი მესიჯებისა და საუბრების საფუძველს იძლევა“, – განაცხადა დავით მათიკაშვილმა.