შვედეთი და ფინეთი ვერ შევლენ ნატოს ალიანსში, თუ თურქეთის პარლამენტი არ დაამტკიცებს მათი წევრობის განაცხადს, – ამის შესახებ თურქეთის საგარეო საქმეთა მინისტრმა, მევლუთ ჩავუშოღლუმ განაცხადა.
თურქულ მაუწყებელ NTV-თან ექსკლუზიურ ინტერვიუში ჩავუშოღლუმ აღნიშნა, რომ თუ შვედეთი და ფინეთი თურქეთისთვის დაპირებულ მემორანდუმს არ შეასრულებენ, მათ ნატოში გაწევრიანებას არ დაუშვებს.
„შვედეთმა და ფინეთმა მემორანდუმი უნდა შეასრულონ. თუ ისინი მას არ შეასრულებენ, ჩვენ მათ ნატოში არ მივიღებთ“, – განაცხადა თურქეთის საგარეო უწყების ხელმძღვანელმა.
მისი თქმით, შვედეთმა, ფინეთმა და ნატოს მოკავშირეებმა პატივი უნდა სცენ თურქეთის ეროვნული უსაფრთხოების საკითხებს.
ამასთან, როგორც მან აღნიშნა, ორი სკანდინავიური ქვეყნის ლიდერები და მაღალი რანგის ოფიციალური პირები აღიარებენ, რომ ისინი არანაირ მხარდაჭერას არ გაუწევენ ტერორისტულ ჯგუფებს.
როგორც მან აღნიშნა, შვედეთმა და ფინეთმა უნდა შეასრულონ თურქეთისთვის მიცემული დაპირებები ნატოში გაწევრიანებასთან დაკავშირებით, მათ შორის სტოკჰოლმის დაპირება 73 „ტერორისტის“ ექსტრადირების შესახებ.