საქართველოს საგარეო პოლიტიკასთან დაკავშირებით წერს სოციალურ ქსელში პოლიტოლოგი, წარსულში ზურაბ ჟვანიას გუნდის წევრი მარინა შენგელია.
შენგელია საქართველოს მეორე პრეზიდენტის, ედუარდ შევარდნაძის სიტყვებს იხსენებს იმასთან დაკავშირებით, როგორ ურჩევდნენ მას დასავლელი პარტნიორები რუსეთთან ურთიერთობის დალაგებას.
„პირველ რიგში უნდა დაალაგოთ ურთიერთობა რუსეთთან – ასე მეუბნებიან დასავლელი პარტნიორები, მერე თქვენს მეზობლებთანო,“ – ედუარდ შევარდნაძე.
ასეთი იყო გეოპოლიტიკა ედუარდის დროს… ახლა კი, როგორც კი ლავროვმა გააკეთა განცხადება – დადგა დრო საქართველოსთან დიპლომატიური ურთიერთობები აღვადგინოთ და დავიწყოთ საუბარიო, ჯერ საქართველოს მთავრობას პასუხი არ ჰქონდა გაცემული, რომ კელი დეგნანმა უპასუხა: – არანაირი დიპლომატიური ურთიერთობების აღდგენაზე არ შეიძლება საუბარი, სანამ რუსეთი ჯარს არ გაიყვანსო!
გეკითხებით, თუ არ დაველაპარაკებით, რუსეთი ჯარს გაიყვანს? ან დასავლეთის მუდმივი შეშფოთება-აღშფოთებით, ჩვენსა და აფხაზებს ან ოსებს შორის ურთიერთობაში რაიმე წინსვლა გვაქვს?”- წერს მარინა შენგელია.
