რუსეთში ნარკოტიკების კონტრაბანდისა და შენახვის ბრალდებით დაკავებულმა ამერიკელმა კალათბურთელმა ბრიტნი გრინერმა ხიმკის საქალაქო სასამართლოში გამართულ სხდომაზე თავი დამნაშავედ ცნო.
მაგრამ კალათბურთელმა დასძინა, რომ დანაშაულის ჩადენისა და ნარკოტიკების ტრანსპორტირების განზრახვა არ ჰქონია. გრაინერმა აღნიშნა ასევე, რომ სურს მოგვიანებით მისცეს ჩვენება, რისთვისაც მომზადება ესაჭიროება.
17 თებერვალს გრაინერი ნიუ-იორკიდან ჩასვლისთანავე მოსკოვის შერემეტიევოს აეროპორტში დააკავეს. გამოძიების ინფორმაციით, სპორტსმენის ბარგში ელექტრონული სიგარეტის ჰაშიშის ზეთის ვაზნები აღმოაჩინეს. ეს ნივთიერება აკრძალულია რუსეთში მიმოქცევისთვის, მაგრამ ის ლეგალურია აშშ-ის ზოგიერთ შტატში. კალათბურთელის წინააღმდეგ სისხლის სამართლის საქმე ნარკოტიკების კონტრაბანდის მუხლით აღიძრა.
ბრიტნი გრაინერი თამაშობს ეკატერინბურგის ქალთა საკალათბურთო კლუბში. როგორც ამერიკის შეერთებული შტატების ეროვნული ნაკრების წევრმა, მან ორჯერ მოიგო ოლიმპიური თამაშები. მაისში შეერთებულმა შტატებმა გრაინერი “უკანონოდ დაკავებულად” აღიარა და მისი საქმე მძევლების საკითხებში აშშ-ის პრეზიდენტის სპეციალურ წარმომადგენელს გადასცა.
ბრიტნი გრაინერმა 5 ივლისს ჯო ბაიდენს მისწერა წერილი, რომელშიც აშშ-ის პრეზიდენტს სთხოვს “ყველაფრის გააკეთოს” მისი გათავისუფლებისთვის
მაისში შეერთებულმა შტატებმა გრინერი “უკანონოდ დაკავებულად” აღიარა და მისი საქმე მძევლების საკითხებში აშშ-ის პრეზიდენტის სპეციალურ წარმომადგენელს გადასცა.
მანამდე, სახელმწიფო მდივანმა ენტონი ბლინკენმა განაცხადა, რომ “არ არსებობს იმაზე პრიორიტეტული ამოცანა”, ვიდრე გრაინერისა და სხვა ქვეყნებში “უკანონოდ დაკავებული” ამერიკელების შინ დაბრუნებაა.