პოლიტოლოგი ანდრო ბარნოვი რამდენიმე დღის წინ პარლამენტთან გამართული აქცია “შინ ევროპისკენ” ერთ-ერთ ორგანიზატორს შოთა დიღმელაშვილს სოციალურ ქსელით მიმართავს.
“Shota Dighmelashvili მითხრეს, შეკრებაზე შოთა ამბობდა, საქართველოს ისტორიაში ყველაზე დიდი მიტინგი ჩვენ შევკრიბეთო.
რა კონტექსტში გამოთქვით ეს აზრი? არ იცით, რომ იქ მოსული ხალხის უმრავლესობისთვის ორგანიზატორების ვინაობა არც კი იყო ცნობილი და ხალხი მოვიდა არა თქვენთან, არამედ – ევროპის იდეის გამო?… და სწორედ ამიტომ მოვიდნენ, რომ პიროვნული სიმპათია-ანტიპათიები არ მონაწილეობდა მათ გადაწყვეტილებაში, გარეთ გამოსულიყვნენ.
ყველა ასეთი აზრი თუ განცხადება კონტრპროდუქტიულია მომავალი მოძრაობისთვის, რომელიც ნებისმიერ შემთხვევაში დაიბადება, თქვენით, თუ უთქვენოდ. იმედია, გესმით ეს.” – წერს ანდრო ბარნოვი.
