“ვერ ვხედავთ იმის ნიშნებს, რომ უკრაინისთვის გამოყოფილი ამერიკული იარაღი არა რუსეთთან ბრძოლის ველზე, არამედ სადმე სხვაგან მიდის”

ჩვენ ვერ ვხედავთ იმის ნიშნებს, რომ უკრაინისთვის გამოყოფილი ამერიკული იარაღი არა რუსეთთან ბრძოლის ველზე, არამედ სადმე სხვაგან მიდის, – ამის შესახებ პენტაგონის მაღალჩინოსანმა ჟურნალისტებს ბრიფინგზე განუცხადა.

„ჩვენ არ ვადევნებთ თვალყურს იარაღის გადაადგილებას. კარგად ვიცით, რომ უკრაინელები იყენებენ შეიარაღებას, რომელიც ჩვენ გადავეცით. ვერ ვხედავთ ვერანაირ ნიშნებს იმისა, რომ უკრაინისთვის გამოყოფილი ამერიკული იარაღი არა რუსეთთან ბრძოლის ველზე, არამედ სადმე სხვაგან წავიდა“, – განაცხადა პენტაგონის წარმომადგენელმა.

კითხვაზე, რატომ არის პენტაგონი ასე დარწმუნებული იმაში, რომ აშშ-ის მიერ გამოყოფილი იარაღი ნამდვილად უკრაინაშია, პენტაგონის წარმომადგენელმა აღნიშნა, რომ „თვალყურის არ დევნება და არ ცოდნა, თუ სად მიდის ეს იარაღი, ორი სხვადასხვა რამაა“.