რუსეთის მიერ 14 ივლისს ვინიცაზე მიტანილი იერიშის შედეგად 24 ადამიანი დაიღუპა. აღნიშნულის შესახებ ინფორმაციას ვინიცას რაიონული სამხედრო ადმინისტრაციის ხელმძღვანელი, სერგეი ბორზოვი ავრცელებს.
მისივე თქმით, კიდევ ერთი დაშავებული ქალი საავადმყოფოში გარდაიცვალა.
„დაღუპულია 24 ადამიანი. სამწუხაროდ კიდევ ერთი ქალი დღეს 85%-იანი დამწვრობის შედეგად საავადმყოფოში დაიღუპა“, – აცხადებს ბორზოვი.
მისი თქმით ამჟამად მიმდინარეობს 68 დაშავებული ადამიანის მკურნალობა, მათ შორის 4 ბავშვია. კიდევ 4 ადამიანი უგზო-უკვლოდ დაკარგულთა სიაში ითვლება.
კომენტარები