პორტუგალიაში, ესპანეთსა და საფრანგეთში, ძლიერი სიცხის ფონზე, ათასობით მეხანძრე ებრძვის ტყის ხანძრებს, – წერს BBC.
ჩრდილოეთ პორტუგალიაში, დაიღუპა პილოტი, რომლის სახანძრო თვითმფრინავიც ესპანეთის საზღვართან ახლოს, ფოშ-კოას ტერიტორიაზე ჩამოვარდა. პორტუგალიის ხელისუფლებაში აცხადებენ, რომ, ბოლო ერთი კვირის განმავლობაში, მაღალი ტემპერატურის გამო, სულ მცირე 238 ადამიანი დაიღუპა.
ხანძრებია საფრანგეთის სამხრეთ-დასავლეთ რეგიონშიც, საიდანაც 12 000-ზე მეტი ადამიანის ევაკუაცია განხორციელდა.
ცეცხლის კერებს ებრძვიან სამხრეთ ესპანეთშიც. ამ ქვეყანაში, ბოლო რამდენიმე დღის განმავლობაში, ტემპერატურამ 40 გრადუსამდე მოიმატა.
საბერძნეთში, რეტიმნონის მიმდებარედ, შვიდი სოფლის მოსახლეობის ევაკუაცია გახდა საჭირო. ხანძრებია ათენიდან სამხრეთ-დასავლეთით, დაახლოებით 50 კილომეტრის მოშორებით.
რამდენიმე სოფლის ევაკუაცია გახდა საჭირო ჩრდილოეთ მაროკოშიც, სადაც ხანძარმა ერთი სოფელი სრულად გაანადგურა.