„მე როგორც ვიცი, [კარლ ჰარცელისთვის] შეურაცხყოფა არავის მიუყენებია. ადამიანებმა თავიანთი მოსაზრება გამოთქვეს“, – განაცხადა „ქართული ოცნების” გენერალურმა მდივანმა, თბილისის მერმა, კახა კალაძემ ჟურნალისტებთან საუბრისას, რითაც ამერიკის შეერთებული შტატების ელჩის, კელი დეგნანის განცხადებას გამოეხმაურა.
„არ ვიცი, ვერ გეტყვით, რას გულისხმობს [კელი დეგნანი] კრიტიკაში. მე როგორც ვიცი, შეურაცხყოფა არავის მიუყენებია. ადამიანებმა თავიანთი მოსაზრება გამოთქვეს. მთავარია, ეს ყველაფერი იყოს ზრდილობის ფარგლებში. ნებისმიერ ადამიანს ნებისმიერ ადამიანზე აქვს თავისი მოსაზრების გამოხატვის შესაძლებლობა”, – განაცხადა კახა კალაძემ.
კელი დეგნანის თქმით, საქართველოში ევროკავშირის ელჩის, კარლ ჰარცელის მისამართით გაკეთებულ კრიტიკულ განცხადებები შეშფოთებულია.
კომენტარები