ჟურნალისტი, მერაბ მეტრეველი „ქართული ოცნების“ თავმჯდომარის, ირაკლი კობახიძისა და ტელეკომპანია „მთავარის“ ჟურნალისტს შორის გუშინ მომხდარ ინციდენტს ეხმაურება და წერს:
„ესე იგი, მარტო კობახიძის პასუხზე რატომ ბრაზდებით, იმას რატომ არ იმჩნევთ, რომ კითხვაც არაეთიკური იყოო.
გარწმუნებთ, კითხვის ეთიკურობაზე ბევრს იმსჯელებდა საზოგადოება, კობახიძეს ის რომ არ ეკადრა, რაც იკადრა ანუ კითხვა საკუთარი უხამსი პააუხით არ გადაეფარა. მას რომ ელემენტარული თავშეკვება გამოეჩინა, უზრდელობაში არ გადასულიყო, მარტივად, ღირსეული პასუხი გაეცა, სულ სხვა სიტუაცია იქნებოდა. მან კი ისეთები იკადრა პასუხში, რომ ვიღას ახსოვს კითხვა?
ასე რომ თუ დღეს ჟურნალისიტის კითხვის ეთიკურობას არავინ განიხილავს, ეს მხოლოდ კობახიძის საქციელის ბრალია”, – წერს მეტრეველი.
ცნობისთვის, „ქართული ოცნების“ თავმჯდომარე, ირაკლი კობახიძემ გუშინ „მთავარის“ ჟურნალისტ შეურაცხმყოფელი რეპლიკებით მიმართა. ჟურნალისტმა ირაკლი კობახიძეს კითხვით მიმართა, რომ დავით არახამიამ ინტერვიუში ისიც ახსენა და ჰკითხა “კაგებეს აგენტის შვილი არ ხართ, ბატონო ირაკლი?
“კაგებეშნიკი არის მამათქვენი, ეს შემიძლია გითხრათ..სირცხვილია, სახე დაკარგეთ..ნუ კანკალებ, სახე დაკარგე. შენც ხარ დავით არახამია, როგორც არახამია არ არის კაცი, ისე შენც არ ხარ ქალი. სახე დაკარგე, თავი დაკარგე პოლიტიკა ამად გიღირს? სირცხვილია…. “ნაცმოძრაობის” გულისთვის სახე დაკარგე. ქალი აღარ ხარ რა.. ქალის სახე დაკარგე… რომ ლაპარაკობ, პირი მოიწმინდე.. სააკაშვილივით გაქვს პირი, დაემსგავსე ყველაფრით შენს ბელადს. სააკაშვილს ჰგავხარ პირითაც…სამარცხვინო შენ….“, – მიმართა კობახიძემ ჟურნალისტს.