“ინსტიტუციურად ქვეყანაში პირველი პირი ბიძინა ივანიშვილი უნდა იყოს”

ბიძინა ივანიშვილი ვერ გავიდა ქართული პოლიტიკიდან , ამის ბევრი მიზეზი აქვს და გასაგებია, – ამის შესახებ პარტია „მოქალაქეების“ ლიდერმა ლევან იოსელიანმა განაცხადა.

„ერთადერთი სწორი გამოსავალი ამ სიტუაციიდან არის ის, რომ ბიძინა ივანიშვილი დაბრუნდეს რეალურად პოლიტიკაში, აიღოს პასუხისმგებლობა ამ პროცესებზე და ქალბატონ დეგნანსა და ნებისმიერ სხვას შეხვდეს, როგორც ოფიციალური პირი და არ იყოს ეს რაღაც გასაიდუმლოებული შეხვედრები, რომელიც ძალიან ბევრ კითხვის ნიშანს აჩენს. ბიძინა ივანიშვილი ვერ გავიდა ქართული პოლიტიკიდან, ამის ბევრი მიზეზი აქვს და გასაგებია, ამიტომ ინსტიტუციურად ქვეყანაში ის უნდა იყოს პირველი პირი, ვინც ამდაგვარ გადაწყვეტილებებს იღებს“, – განაცხადა იოსელიანმა.