უკრაინის სახელმწიფო რადას წევრს, ფრაქცია „ხალხის მსახურის“ ლიდერს, დავით არახამიას მიმართავს სოციალური ქსელის საშუალებით ყოფილი პარლამენტარი ლუკა ელდარ კურტანიძე.
კურტანიძე არახამიას ქართველი და უკრაინელი ხალხის დაპირისპირების მცდელობაში სდებს ბრალს და ამისათვის ქართველი ხალხისაგან პასუხის გაცემით ემუქრება.
„ვფიქრობდი მეთქვა თუ არა რამე ამ არსებაზე, მაგრამ ვფიქრობ უპასუხობა დღეს არ შეიძლება! ერისგან გარიყულო არსებავ! შენ საერთოდ არ გაღელვებს უკრაინელი ერის ტკივილი, შენ არ გინდა ომი დასრულდეს, შენ არ გინდა ქართველი ხალხის ის უზარმაზარი დახმარება აღიარო რაც საქართველომ გაიღო უკრაინელი ერისთვის…
შენ ერთი მიზანი გაქვს ყველა სიბინძურის გამოყენებით საქართველოს გულანთებული ხალხი დააპირისპირო უკრაინელ ხალხს და შემდეგ თვითონ საქართველო ჩაითრიოთ დამღუპველ ომში!
არახამია მომისმინე კარგად სანამ შენი ბინძური ტვინით ნაფიქრალით ახსენებ ქართველი ერის რჩეულ ადამიანს, ჯერ კარგად დაფიქრდი ვინ ხარ შენ?! შემდეგ პირი დაიბანე აუცილებლად, სანამ ბიძინა ივანიშვილის ახსენებ!!! შენ გარეწარო, განაჩენს თვითონ უკრაინელი ხალხი გამოგიტანს მალე! და თუ კიდევ გაგრძელებ საქართველოს შიდა საქმეებში ჩარევას აქაც მიიღებ საკადრის პასუხს! თუმცა საქართველოს უმრავლესობამ კარგა ხანია გამოგიტანა განაჩენი!“ – წერს ლუკა კურტანიძე.
ცნობისათვის, უკრაინის რადას დეპუტატის, დავით არახამიას მხრიდან ქართული ხელისუფლების მიმართ კრიტიკული განცხადებები გრძელდება. დავით არახამია ქართველ ხალხს ხელისუფლების შეცვლისაკენ ხშირად მოუწოდებს.